Ouderdom is 'n kroon - Charles James

In 1979, toe Pilanesberg Nasionale Park geproklameer is, is 6000 diere na die park verskuif. Dit is projek Genesis genoem en op daardie tydstip was dit die grootste hervestigings program van wild wat ooit onderneem is. As deel van die projek is jong olifant wesies (die gevolg van getalle beheer van olifante in die Kruger Nasionale Park) na Pilanesberg verskuif. Die kleiner olifante was makliker om te vervoer. Hierdie wees olifantjies het groter troppe gevorm en in die afwesigheid van ouer olifant bulle het die jong olifante bulletjies tien jaar vroeër puberteit bereik en baie vreemde gedragspatrone ontwikkel. Hulle het van die renosters in die park begin doodmaak (40 in totaal) en ook baie aggressief teenoor mense begin optree. Baie gevalle is aangeteken waar hulle motors bestorm het en self omgekeer het. Die enigste oplossing was om ou olifant bulle vanuit die Kruger Nasionale Park na Pilanesberg te verskuif. Hierdie ou bulle het die jong bulle gedissiplineer en die balans is herstel.
Hierdie gebeure in Pilanesberg Nasionale Park het my laat dink aan die woorde van Spreuke 16:31 - “Ouderdom is ’n sierlike kroon.” Ook ons eie gemeente het ons senior lidmate ’n waardevolle rol om te speel. Julle wysheid en jare lange wandel met die Here is ’n kosbare skat vir al ons jonger lidmate. Dankie dat ons van julle mag leer! Julle is baie spesiaal en ons waardeer julle!
 
PELLISSIER SE BEDIENINGS VIR SENIOR LIDMATE
Ons herinner net weer aan die gemeente se bedienings wat spesifiek op ons senior lidmate gerig is:
ROSE-AKSIE 
Rose-Aksie is vir alle afgetredenes in die gemeente. 'n Verskeidenheid aktiwiteite en saamkuier-geleenthede word gereël. Byeenkomste is gewoonlik elke derde Donderdag van die maand. Verversings by elke byeenkoms is verseker 'n groot lekkerte.
 
 
Ina Serfontein
083 451 2398 of inaserfontein43@gmail.com
SENIOR BYBELSTUDIE
Bybelstudie vir Seniors is elke Maandag-oggend om 10:00 (Rikus) in die Kapel en elke Dinsdag 09:00 (Charles) in die Keldersaal. Alle afgetredenes is welkom om hierdie geleenthede, wat deur Charles James en Rikus Hattingh aangebied word, by te woon.
(Rikus - Kapel)
Alta van der Merwe
072 603 5244 of dirk.alta.vdmerwe@gmail.com
 
(Charles - Keldersaal)
Frieda du Plessis
082 775 4222
Pellissier groete,
Charles James